南韓(二)

 

係南韓深度行, 想即時同朋友家人通訊, 諗過好多方案點樣可以用WHATSAPP FACEBOOK LINE ETC, 諗過租機, 每日幾十蚊, 自己一個人唔划算, 結果買左張中國移動既南韓上網卡。

其實小弟去九日, 無乜卡可以用九日。有張CSL 900MB 左右, 可以用九日, 但係我都怕唔夠, 因為⋯⋯中移動有5GB用七日.都廢事去其他地方搵, 只係係鴨寮街同桂林街大把呢D鋪頭求其買返張, 每張HK$160, 有5GB, 鋪頭話可以用七日, 其實可以用八日。小弟三月二日零晨激活, 三月九日23:59分有效期完結。 我覺得張卡真係幾好用, 不過就CHECK 唔到用量,不過5GB我兩個月都用唔晒。

我係香港用開幾十蚊3G PLAN, 佢比香港幾十蚊3G Plan快少少, 但係性價比同方便程度, 我覺得好好。佢一插開機即激活, 即刻計七至八日到期, 岩晒短期去南韓又一兩個人既朋友, 張卡可以分享WIFI比朋友用, 但都幾食電。
不過佢就要加返個APN 先用到張卡, 唔加係用唔到GE。加到唔係咁難, 根住步驟做就好易。
Android機 同 IPHONE 都用到

如果用八日除返開$20/日, 應該平過蛋蛋掛!

(待續)