東京(四)

今次去日本終於可以試下膠囊CAPSULE, 我住個D有兩層, 我住親都係樓上。有D CAPSULE 淨係招待男士, 有D 男女都招待。
每層都有廁所, 有D 有埋LOCKER 添, 不過就唔係每層都有浴室。

 浴室係係特定一層, 有D有浴池, 沖完可以落埋去添, D 水都幾熱, 又有桑拿房, 真係好鬼正好鬼正。包埋鬚刨仔, 牙刷同浴巾, D 牙刷好過癮, 無牙膏既, 刷落去有泡泡架!

好喇。講返入面D間隔, 有電腦機好細部, 有個耳筒比你聽聲, 咁就唔會嘈住隔離啦。個電視有五六個頻道, 唔岩睇可以轉台, 入面唔太凍, 廿幾度, 蓋張被就岩岩好。入面幾乾淨, 重要野可以放LOCKER 或者拎左CAPSULE.

私隱度真係幾好, 拉埋個簾就無人知你係CAPSULE 度裸睡, 仲有CCTV 影住個LOCKER 同CAPSULE 門口, 咁就唔怕比人偷野喇!
我卜個兩間CAPSULE 都係一百二十, 一百三十港元左右, 真係好鬼抵, 訓得都好鬼舒服添。去日本窮遊鳩嗚, 住CAPSULE 都係一個唔錯既選擇。

(完)