東京(二)

今次去日本, 想即時同朋友家人通訊, 諗過好多方案點樣可以用WHATSAPP FACEBOOK LINE ETC, 諗過租機, 每日幾十蚊, 自己一個人唔划算, 結果都係買張中國聯通的日本電話卡。
小弟都廢事去其他地方搵, 只係係鴨寮街同桂林街大把呢D鋪頭求其買返張, 每張HK$100, 有1.8GB, 鋪頭話可以用五日, 但我見度張卡寫激活後有效期七日。因為小弟頭尾只去五日, 所以都唔知究竟五日定七日, 但係我覺得張卡真係幾好用, 我用左三四百MB 左右, 我係香港用開幾十蚊3G PLAN, 佢比香港幾十蚊3G Plan快少少, 但係性價比同方便程度, 我覺得好好。佢一插開機即激活, 即刻計五/七日到期, 岩晒短期去日本又一兩個人既朋友, 據說話可以分享比朋友用, 我無分享出來, 因為今次"其實自己一個更開心"咁去鳩嗚。

不過佢就要加返個APN 先用到張卡, 唔加係用唔到GE。加到唔係咁難, 根住步驟做就好易。
Android機 同 IPHONE 都用到
小弟就ANDROID 機:
設定-->無綫與網絡-->網絡設置-->開啟數據漫遊-->接入點名稱-->按MENU 鍵-->新建APN-->名稱: 任意填寫-->APN: 3gnet-->其他選項空白-->按MENU 鍵-->SAVE
除返開$20/日, 我覺得方便通訊無乜所謂喇!

(待續)