北婆羅洲之旅-汶萊(一)

馬來奕-Seria-Tutong-斯里巴加灣市 (Kuala Belait-Seria-Tutong-Bander Seri Begawan)

一開始講下點樣搵司機可以由砂磱越美里進入汶萊首都斯里巴加灣市先。

如果想由美里入汶萊, 可以搵一間Dillenia Guesthouse 既負責人Mrs. LEE.  如果有馬來西亞電話卡, 可以打+6085 434204。如果無馬來西亞電話, 可以發電郵比佢, dillenia.guesthouse@gmail.com , 佢會安排司機由美里入汶萊, 車錢係RM60, 馬幣60溝, 都幾方便可以係美里機場, 美里巴士站邊度都得。司機又係大馬華人, 真係普通話溝通無問題。

車入到來邊境

邊境小屋

 TUTONG 78公里, B.S.B.=Bander Seri Begawan 斯里巴加灣市 128公里

過關流程係咁GE, 經過馬來西亞邊境, 比護照佢蓋章出境, 唔洗落車, 跟住就去汶萊個邊關, 汶萊關收晒全車人護照, 等一陣。

車龍唔算勁長

出境IMMIGRATION, 如果渣兩本護照GE 朋友就要小心D。比如你有BNO同特區護照, 你渣BNO 入馬來西亞, 跟住因為特區護照係汶萊免簽證而BNO 係要簽證入汶萊, 所以轉用特區護照入汶萊的話, 咁就奶左野啦。 因為你本特區護照無馬來西亞記錄, 所以汶萊係唔會比你入境, 仲要跟車再比錢返返砂磱越。所以去沙巴汶萊, 最好用死一本護照, 就係特區護照。因為同車有個阿根廷女生, 佢渣阿根廷護照入馬來西亞, 西班牙護照係汶萊免簽證, 佢用西班牙護照入境, 結果唔比佢入境, 仲要比多D 錢返返馬來西亞。

等一陣就可以過汶萊了。

 汶萊國境。

邊境城市馬來奕 Kuala Belait

路闊車少

 去Seria, Tutong,都係經呢條路。

 架車肚餓要入油渣。

 個個都話汶萊平過水, 究竟油渣要幾錢一升呢? B$ 0.31/升, 0.31汶萊元一升, B$1~S$1, 一汶萊元~一新加坡元。大約唔洗兩元港紙一升油渣，香港要十至十一蚊一升。

 中間都幾鄉下。

 平房唔高。

 到達Seria, 汶萊油田所在地,見到有鑽油台, 有火冒出。

 經濟命脈油田設施, 唔係呢D 設施汶萊國王邊有咁多洗。

鑽油石設施集中晒係Seria

 Tutong 好多停車位

 消防局

 呢條河好闊

汶萊上空出現筋斗雲。

 住宅區

 Gadong 商業區

 斯里巴加灣市

 清真寺

 Pusat Belia 係國家營運GE HOSTEL, 全汶萊最平, B$10一晚, 可惜唔係成日開

 新香港美容院

因為PUSAT BELIA無開, 第一晚要去呢間中國人經營, 但汶萊少有GE HOSTEL 住, B$18 一個床位, 但環境比PUSAT BELIA 差好多好多, 有得揀, 真係要揀PUSAT BELIA。

(待續)