東京(一)

今次去東京鳩嗚去得成, 絕對不得不提HK Express. 呢間航空公司絕對係窮人恩物, 之前一蚊機票出時, 小弟就買左單程去羽田機場, 點知唔記得左要跑馬拉松, 之後又買多張成田機場, 好彩都係一蚊機票。
買HK Express機票有個技巧, 就係來回程分開買, 去程計香港一蚊, 回程係計一日元, 咁樣搞法來回一齊買同分開買可以差近一舊水。 去程HK$304, 回程3041YEN, 當時十月細佬買左HK$304 +HK$221, 總共HK$521, 好鬼抵!後來發覺要購物先買返回程行李位, 行李位訂票時買要$200, 但打去行李位收大約2600 yen, 計返仲平過之前訂定HK$200. 呢個係無心插柳諗住全程BACKPACK 唔買野, 但好多朋友都要日本貨, 所以都係買位。

飛機本身無乜特別, 仲可以揀坐窗口定走廊添。無飛機餐就梗架喇, 坐去日本耳仔都無乜痛, 來回八百幾有行李位, 我好心滿意足了。唯一係回程班機DELAY左個幾鐘起飛, 時間就早左D 六點幾起機, 窮遊的話谷住尾班車去機場抖幾個鐘, 如果唔係可能要CALL 的士去羽田機場。OVERALL 泥講係幾好。

成田同羽田機場有咩分別? 一個係千葉縣成田市, 一個係東京都大田區。成田機場離東京都市中心有六十公里, 羽田機場就近D。由成田機場可以坐巴士, 京成SKY ACCESS, N'Ex 等等出市中心, 細路就窮遊, 坐京成本線出東京市中心, 由成田機場出去要1180 YEN, 要成個幾鐘。如果巴士都便直, SKY ACCESS 同NEX 就貴好多, 但快D。都係個句, 去東京盡量飛羽田機場, 因為慳返時間同交通費。

(待續)